newsdog Facebook

પ્રણવ મુખર્જીની તબિયત વધુ લથડી, ફેફસામાં ઇન્ફેક્શનના સંકેતઃ હૉસ્પિટલે જાહેર કર્યું હેલ્થ બુલેટિન

Gujarati News 18 2020-08-19 00:00:00
પૂર્વ રાષ્ટ્રપતિ પ્રણબ મુખર્જીની ફાઇલ તસવીર
નવી દિલ્હીઃ પૂર્વ રાષ્ર્iપતિ પ્રણવ મુખર્જી (Pranab Mukherjee)ની તબિયત વધુ લથડી છે. હૉસ્પિટલ તરફથી બુધવારે જાહેર કરવામાં આવેલા હેલ્થ બુલેટિનમાં જાણકારી આપવામાં આવી છે કે પ્રણવ મુખર્જીના ફેફસામાં હવે ઇન્ફેક્શન થવાના સંકેત જોવા મળી રહ્યા છે. તેમની સારવાર સતત વેન્ટિલેટરની મદદ સાથે થઈ રહી છે. ડૉક્ટરોની વિેશેષ ટીમ તેમની તબિયત પર સતત નજર રાખી રહી છે.

નોંધનીય છે કે, 84 વર્ષીય પૂર્વ રાષ્ટ્રપતિ પ્રણવ મુખર્જીને 10 ઓગસ્ટે દિલ્હી છાવણીની આર્મી હૉસ્પિટલમાં દાખલ કરવામાં આવ્યા હતો. બ્રેઇજમાં જમા લોહીના જથ્થાને કાઢવા માટે તેમનું ઓપરેશન કરવામાં આવ્યું હતું અને ત્યારથી તેઓ કોમામાં છે. ઓપરેશન પહેલા તેઓ કોરોના વાયરસથી સંક્રમિત હોવાની પણ પુષ્ટિ થઈ હતી.

There has been a decline in the medical condition of Former President Pranab Mukherjee as he has developed features of lung infection. He continues to be on ventilatory support & is currently being managed by a team of specialists: Army Research&Referral Hospital,Delhi
(file pic) pic.twitter.com/ZVYVj3kLF6


— ANI (@ANI) August 19, 2020

આ પણ વાંચો, પાકિસ્તાનનું આવું અપમાન ક્યારેય નથી થયું, કેમ નારાજ છે સઉદી પ્રિન્સ સલમાન?

મંગળવારે પણ હૉસ્પિટલથી જાહેર નિવેદનમાં કહેવામાં આવ્યું હતું કે, પ્રણવ મુખર્જીના સ્વાસ્થ્યમાં કોઈ ફેરફાર નથી. તેઓ હજુ પણ વેન્ટિલેટર પર છે અને તેમના મુખ્ય અંગોની સ્થિતિ સ્થિર છે. પ્રણવ મુખર્જી વર્ષ 2012થી 2017 સુધી દેશના રાષ્ટ્રપતિ રહ્યા.

On a visit to the hospital for a separate procedure, I have tested positive for COVID19 today.
I request the people who came in contact with me in the last week, to please self isolate and get tested for COVID-19. #CitizenMukherjee


— Pranab Mukherjee (@CitiznMukherjee) August 10, 2020


આ પણ વાંચો, SBI ગ્રાહકો માટે અલર્ટ! બેન્કે બદલી દીધા નાણા જમા કરાવવા-ઉપાડવાના 4 મોટા નિયમ

પ્રણવ મુખર્જીએ 10 ઓગસ્ટે ટ્વિટ કરીને કહ્યું હતું કે, અન્ય કારણોથી હૉસ્પિટલ લાવવામાં આવ્યો હતો જ્યાં આજે કોવિડ-19 તપાસમાં સંક્રમિત હોવાની પુષ્ટિ થઈ છે. હું વિનંતી કરું છું કે જે લોકો પણ છેલ્લા એક સપ્તાહમાં મારા સંપર્કમાં આવ્યા છે, તેઓ આઇસોલેશનમાં રહે અને કોવિડ-19ની તપાસ કરાવે.