newsdog Facebook

રામ મંદિરના શિલાન્યાસ પર રાહુલ ગાંધી બોલ્યા- 'રામ પ્રેમ છે, ધૃણામાં ક્યારેક પ્રગટ ન થઈ શકે'

Gujarati News 18 2020-08-05 00:00:00
રાહુલ ગાંધી (ફાઇલ તસવીર)
નવી દિલ્હી : રામની નગરી અયોધ્યા (Ayodhya Ram Mandir)માં આજે ઇતિહાસ રચાયો હતો. અનેક વર્ષોની રાહ જોયા બાદ આજે મંદિર નિર્માણનું કામ શરૂ થયું છે. પીએમ મોદીએ આજે રામ મંદિર (Ram Temple) ની આધારશિલા મૂકી હતી. વડાપ્રધાન મોદી (PM Modi)એ આજે વિધિવત રીતે ભૂમિ પૂજન (Ram Temple Bhui Pujan) કર્યા બાદ મંદિર નિર્માણ માટે પ્રથમ ઇંટ મૂકી હતી. રામ મંદિરના શિલાન્યાસ અંગે રાષ્ટ્રપતિથી લઈને અનેક લોકોએ ટ્વીટ કરીને શુભેચ્છા પાઠવી છે. આ પ્રંસગે કૉંગ્રેસના પૂર્વ અધ્યક્ષ રાહુલ ગાંધીએ પણ ટ્વીટ કર્યું છે.

રામ મંદિરની આધારશિલા મૂકવામાં આવ્યા બાદ રાહુલ ગાંધીએ ટ્વીટ કર્યું છે. રાહુલ ગાંધીએ લખ્યું છે કે, "મર્યાદા પુરુષોત્તમ રામ સર્વોત્તમ માનવીય ગુણોના સ્વરૂપ છે. તેઓ આપણા મનના ઉંડાણમાં રહેલી માનવતાની મૂળ ભાવના છે. રામ પ્રેમ છે. તેઓ ક્યારેય ધૃણામાં પ્રગટ ન થઈ શકે. રામ કરુણા છે. તેઓ ક્યારેય ક્રૂરતામાં પ્રગટ ન થઈ શકે. રામ ન્યાય છે. તેઓ ક્યારેય અન્યાયમાં પ્રગટ ન થઈ શકે."

(આ પણ વાંચો : બાબરી મસ્જિદ હતી અને હંમેશા મસ્જિદ જ રહેશે, દિલ તોડવાની જરૂર નથી : AIMPLB) રાહુલ ગાંધીનું ટ્વિટ

मर्यादा पुरुषोत्तम भगवान राम सर्वोत्तम मानवीय गुणों का स्वरूप हैं। वे हमारे मन की गहराइयों में बसी मानवता की मूल भावना हैं।राम प्रेम हैं
वे कभी घृणा में प्रकट नहीं हो सकते

राम करुणा हैं
वे कभी क्रूरता में प्रकट नहीं हो सकते

राम न्याय हैं
वे कभी अन्याय में प्रकट नहीं हो सकते।


— Rahul Gandhi (@RahulGandhi) August 5, 2020

નોંધનીય છે કે અયોધ્યામાં પીએમ મોદીએ આજે રામ મંદિરની પ્રથમ ઇંટ મૂકી હતી. આ સાથે જ ભૂમિ પૂજન સંપન્ન થયું હતું. નવ શિલાનું પૂજન કરવામાં આવ્યું હતું. વચ્ચે જે શીલા છે તે કૂર્મ શિલા છે. આ શિલાની બરાબર ઉપર રામલલા વિરાજમાન છે.