newsdog Facebook

10 કંપની BSE પર 5,745 કરોડનાં કમર્શિયલ પેપર્સ લિસ્ટ કરશે

Chitralekha 2020-01-13 00:00:00

મુંબઈ – લાર્સન એન્ડ ટુબ્રો, મન્નાપુરમ ફાઈનાન્સ, ઈસીએલ ફાઈનાન્સ, સન ફાર્માસ્યુટિકલ્સ ઈન્ડસ્ટ્રીઝ, ભારત હેવી ઈલેક્ટ્રિકલ્સ, રેડિંગટન (ઈન્ડિયા), કોટક મહિન્દ્ર પ્રાઈમ, મુથુટ હોમફિન (ઈન્ડિયા), રેમકો સિમેન્ટ્સ અને આઈઆઈએફએલ વેલ્થ ફાઈનાન્સએ તેમનાં કમર્શિયલ પેપરના અનુક્રમે રૂ.2,995 કરોડ, રૂ.775 કરોડ, રૂ.500 કરોડ, રૂ.500 કરોડ, રૂ.450 કરોડ, રૂ.175 કરોડ, રૂ.140 કરોડ, રૂ.100 કરોડ, રૂ.75 કરોડ અને રૂ.35 કરોડના ઈશ્યુને લિસ્ટ કરવા માટેની અરજી કરી છે. બીએસઈમાં આ ઈશ્યુઓનાં કમર્શિયલ પેપર્સ 13 જાન્યુઆરી, 2020થી લિસ્ટ થશે.

 

અત્યાર સુધીમાં 77 ઈશ્યુઅરોના રૂ.1,72,984 કરોડના કમર્શિયલ પેપર્સના 582 ઈશ્યુઓ લિસ્ટ કરવામાં આવ્યા છે. આ ઈશ્યુઝની સરેરાશ 149 દિવસની મુદત પરનું વેઈટેડ એવરેજ યીલ્ડ 6.13 ટકા રહ્યું છે.

 

બીએસઈ દેશની કંપનીઓને મૂડી એકત્ર કરવામાં સહાય કરી રહ્યું છે. બીએસઈ બોન્ડ પ્લેટફોર્મ જુલાઈ 2016માં લોન્ચ કરવામાં આવ્યું ત્યારથી અત્યાર સુધી (10 જાન્યુઆરી, 2020)માં ભારતીય કંપનીઓના રૂ.5,12,045 કરોડ (71.83 અબજ યુએસ ડોલર)ના ડેટનું લિસ્ટિંગ કરવામાં આવ્યું છે. આમાંથી બીએસઈએ સફળતાપૂર્વક રૂ.2,35,237 કરોડનું ભંડોળ (33.19 અબજ ડોલર) એકત્ર કરી આશરે 60 ટકા બજાર હિસ્સો પ્રાપ્ત કર્યો છે. છે. નાણાકીય વર્ષ 2019-20માં (10 જાન્યુઆરી, 2020) સુધીમાં બીએસઈએ સફળતાપૂર્વક રૂ.9,41,719 કરોડ (132.88 અબજ ડોલર) એકત્ર કર્યા છે.