newsdog Facebook

ન્યૂઝીલેન્ડ ટી20 શ્રેણી માટે ભારતીય ટીમ જાહેર, રોહિતનું કમબેક, સેમસન બહાર

I Am Gujarat 2020-01-12 23:53:48

નવી દિલ્હી: ભારતીય ક્રિકેટ કન્ટ્રોલ બોર્ડ (BCCI)એ ન્યૂઝીલેન્ડ પ્રવાસે 5 ટી20 ઈન્ટરનેશનલ મેચોની સીરિઝ માટે ટીમની ઘોષણા રવિવારે કરવામાં આવી. આ પ્રવાસ પર તેને 3 વન-ડે અને 2 ટેસ્ટ પણ રમવાની છે, જેના માટે હજુ ટીમની ઘોષણા થઈ નથી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ટી20 ટીમમાં વાઈસકેપ્ટન રોહિત શર્માનું કમબેક થયું છે જેણે શ્રીલંકા વિરુદ્ધની સીરિઝમાં આરામ આપવામાં આવ્યો હતો. રોહિતે વેસ્ટ ઈન્ડીઝ વિરુદ્ધ ડિસેમ્બરમાં ટી20 સીરિઝ રમી હતી. યુવા વિકેટકીપર સંજુ સેમસનને તક નથી મળી અને ઋષભ પંત જ વિકેટકીપિંગની જવાબદારી સંભાળશે.

વિરાટ કોહલીની કેપ્ટનશિપમાં જ ટીમ ટી20 સીરિઝ રમશે. વિરાટના નેતૃત્વમાં ટીમ ઈન્ડિયાએ વર્ષની પ્રથમ ટી20 સીરિઝ શ્રીલંકાને 2-0થી હરાવીને જીતી.

કેરળના સંજુ સેમસનને શ્રીલંકા વિરુદ્ધ ગત સીરિઝની છેલ્લી ટી20માં તક આપવામાં આવી પણ તે આમાં માત્ર 2 બોલ રમીને 6 રન જ બનાવી શક્યો.

ટી20 ટીમ આ રીતે છે : વિરાટ કોહલી (કેપ્ટન), રોહિત શર્મા (વાઈસ કેપ્ટન), લોકેશ રાહુલ, શિખર ધવન, શ્રેયસ અય્યર, મનીષ પાંડે, રિષભ પંત, શિવમ દુબે, કુલદીપ યાદવ, યુઝવેન્દ્ર ચહલ, વૉશિંગ્ટન સુંદર, જસપ્રીત બુમરાહ, મોહમ્મદ શમી, નવદીપ સૈની, રવીન્દ્ર જાડેજા અને શાર્દુલ ઠાકુર

આવું છે આખું શેડ્યૂલ

આ પ્રવાસની શરૂઆત 24 જાન્યુઆરીથી ટી20 સીરિઝથી થશે. સીરિઝની બીજી ટી20 મેચ 26 જાન્યુઆરીએ ઈડન પાર્કમાં રમાશે, જ્યારે ત્રીજી ટી20 29 જાન્યુઆરીએ હેમિલ્ટનમાં રમાશે. ચોથી મેચ 31 જાન્યુઆરીએ વેલિંગ્ટનમાં અને 5મી મેચ 2 ફેબ્રુઆરીએ માઉન્ટ માઉંનાગુઈમાં રમાશે.