newsdog Facebook

છપાક: એસિડ એટેક પીડિતાઓને રૂપિયા 10 હજાર સુધીનું પેન્શન

I Am Gujarat 2020-01-12 23:07:19

દહેરાદૂન: એસિડ એટેક પીડિતાઓ માટે એક મોટો નિર્ણય કરતા ઉત્તરાખંડની ત્રિવેન્દ્રસિંહ રાવતની સરકારે આ પ્રકારની ઘટનાઓની પીડિતાઓને પેન્શન આપવાની ઘોષણા કરી છે. હાલમાં જ રિલીઝ થયેલી એસિડ એટેક સર્વાઈવર લક્ષ્મી અગ્રવાલના જીવન પર આધારિત ફિલ્મ ‘છપાક’થી પ્રેરિત થઈને ઉત્તરાખંડની સરકારે પ્રદેશની એસિડ એટેક પીડિતાઓને રૂપિયા 7થી 10 હજાર સુધીનું પેન્શન આપવાનો પ્રસ્તાવ રજૂ કર્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ઉત્તરાખંડમાં સરકાર એસિડ એટેક હુમલા બાદ તેમાંથી બહાર આવવાનો પ્રયાસ કરનાર અને નવેસરથી પોતાના જીવનની શરૂઆત કરનાર પીડિતાઓને પેન્શન આપવાની યોજનાની તૈયારી કરી છે. ત્યાંના મહિલા કલ્યાણ મંત્રી રેખા આર્યાએ રવિવારે જણાવ્યું કે આ પ્રસ્તાવ જલદી જ રાજ્ય મંત્રીમંડળની બેઠકમાં મંજૂરી માટે રજૂ કરવામાં આવશે. ઉત્તરાખંડ સરકારના આ ખાસ નિર્ણય પર ‘છપાક’ ફિલ્મના ડિરેક્ટર મેઘના ગુલઝારે ટ્વિટ કરતા લખ્યું કે મૂવી બનાવવાનો હેતુ આ હતો.

મંત્રીએ જણાવ્યું કે એસિડ એટેકથી પીડિત મહિલાઓને રૂપિયા 7,000થી 10,000 સુધીનું માસિક પેન્શન આપવાનો પ્રસ્તાવ છે કે જેથી તેઓ ગરિમાપૂર્ણરીતે પોતાનું જીવન પસાર કરી શકે.