newsdog Facebook

BSE સેન્સેક્સ 646 પોઈન્ટ્સ વધીને બંધ

I Am Gujarat 2019-10-09 15:54:28
71503809

મુંબઈ: ટેલિકોમ, ફાઈનાન્સ, બેન્ક, રિયલ્ટી, પાવર શેરોમાં ભારે લેવાલીથી ભારતીય શેરબજારમાં બુધવારે 646 પોઈન્ટ્સનો જંગી ઉછાળો નોંધાયો હતો.બીજા ક્વાર્ટરમાં કંપનીના પરિણામો નરમ રહેવાની ધારણા છતાં નીચા મથાળે શેરબજારમાં ફરી લેવાલી જોવા મળી હતી.

આજે દિવસ દરમિયાન BSE સેન્સેક્સ ઉપરમાં 38,209.84 અને નીચામાં 37,415.83 પોઈન્ટ્સ વચ્ચે ટ્રેડ થયા બાદ 645.97 પોઈન્ટ્સ અથવા 1.72 ટકાના જંગી ઉછાળા સાથે 38,177.95 પોઈન્ટ્સ જ્યારે નેશનલ સ્ટોક એક્સચેંજનો નિફ્ટી ઉપરમાં 11,321.60 અને નીચામાં 11,090.1 પોઈન્ટ્સ વચ્ચે અથડાયા બાદ 186.90 પોઈન્ટ્સ અથવા 1.68 ટકાના હાઈજમ્પ સાથે 11,313.30 પોઈન્ટ્સની સપાટીએ બંધ રહ્યા હતા.

BSE મિડકેપ અને BSE સ્મોલકેપ ઈન્ડેક્સ અનુક્રમે 1.38 ટકા અને 0.66 ટકા વધીને બંધ રહ્યા હતા.

આજે બપોરે ટેલિકોમ, ફાઈનાન્સ, બેન્ક, રિયલ્ટી, મેટલ અને પાવર શેરોમાં ભારે લેવાલી જોવા મળી હતી જ્યારે આઈટી, ટેકનો અને કન્ઝ્યુમર શેરોમાં વેચવાલીનું દબાણ જોવા મળ્યું હતું.

આજે વધેલા મુખ્ય શેરોમાં ઈન્ડસઈન્ડ બેન્ક 5.45 ટકા, ભારતી એરટેલ 5.20 ટકા, SBI 4.78 ટકા, ICICI બેન્ક 4.88 ટકા, M&M 4.25 ટકા, ટાટા સ્ટીલ 3.56 ટકા અને કોટક બેન્ક 3.58 ટકાનો સમાવેશ થાય છે.

આજે ઘટેલા મુખ્ય શેરોમાં યસ બેન્ક 5.26 ટકા, હિરો મોટોકોર્પ 2.65 ટકા, HCL ટેકનો.2.19 ટકા, ITC 1.81 ટકા, TCS 1.57 ટકા અને ઈન્ફોસિસ 0.70 ટકાનો સમાવેશ થાય છે.