newsdog Facebook

ગુજરાતી સમાચાર: Apple IPhone 11માં આવી રહી છે આ પ્રોબ્લેમ, યુઝર્સે શરુ કરી ફરિયાદ

I Am Gujarat 2019-10-09 15:45:38

Apple iPhone 11 લોન્ચ થયે હજુ તો ગણતરીનો સમય જ થયો છે ત્યાં લોકોએ તેના વિશે ફરિયાદ કરવાનું શરુ કરી દીધું છે. આ ફોનના લોન્ચિંગ વખતે એપલે દાવો કર્યો હતો કે તેની સ્ક્રીન ખૂબ જ મજબૂત છે. iPhone 11નો ગ્લાસ સૌથી મજબૂત હોવાનું તેમજ તેના પર જલ્દી સ્ક્રેચ નથી પડતા તેવું એપલે કહ્યું હતું, પરંતુ યુઝર્સ એવી ફરિયાદ કરી રહ્યા છે તે આ ફોન લીધાના ગણતરીના દિવસોમાં જ તેમને સ્ક્રેચ દેખાઈ રહ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

એપલે સ્ક્રીન તેમજ બેકસાઈડ પર એક જ ક્વોલિટીના ગ્લાસનો ઉપયોગ કર્યો છે. એપલે એવું જાહેર કર્યું હતું કે બેક પેનલ પર અપાયેલો ગ્લાસ એક સિંગલ પીસ ગ્લાસ છે, જેને ખાસ કેમેરા સિસ્ટમ માટે તૈયાર કરવામાં આવ્યો છે. જોકે, કંપનીના આ દાવા યુઝર્સની અપેક્ષા અનુસાર સાચા નથી પડી રહ્યા.

હાલમાં જ કેટલાક યુઝર્સે iPhone 11ના ગ્લાસ પર સ્ક્રેચ પડવાની ફરિયાદ કરી છે. આ યુઝર્સનું કહેવું છે કે આ ગ્લાસને જેટલો પ્રમોટ કરાયો હતો તેવી તેની ક્વોલિટી જણાતી નથી. ગ્લાસમાં સ્ક્રેચ પડવાની પહેલી ફરિયાદ ફોન લોન્ચિંગના પાંચ જ દિવસ પહેલા આવી હતી. ફોન ખરીદનારા એક યુઝરે એપલ કોમ્યુનિટી સપોર્ટ પેજ પર લખ્યું હતું કે, બે દિવસમાં જ તેના નવા iphone 11 પર સ્ક્રેચ દેખાવા લાગ્યા હતા. કેટલાક યુઝરે તો સ્ક્રેચના વિડીયો પણ ટ્વીટર પર શેર કર્યા છે.

250થી વધુ યુઝર્સે એપલ કોમ્યુનિટી સપોર્ટ પેજ પર સવાલ પૂછ્યો છે કે આઈફોન 11 પર સ્ક્રેચ કેમ પડી રહ્યા છે? સવાલોના જવાબ આપનારા કેટલાક યુઝર્સે પણ આઈફોન 11માં સ્ક્રેચ પડવાની વાતને દોહરાવી છે. એપલ કોમ્યુનિટી એપલ યુઝર્સ દ્વારા બનાવાયેલી એક કોમ્યુનિટી છે, જેમાં એપલનો કોઈ સ્ટાફ સામેલ નથી. મોટાભાગના યુઝર્સે ફરિયાદ કરી છે કે તેમના આઈફોન 11માં વગર કારણે સ્ક્રેચ પડી રહ્યા છે. કેટલાકે એણ પણ લખ્યું છે કે જુના આઈફોનમાં તો આવી કોઈ સમસ્યા નહોતી.

એપલ નથી આપી રહી કોઈ પ્રતિક્રિયા

આઈફોન 11 યુઝ કરનારા એક યુઝરે લખ્યું છે કે, એમ લાગે છે કે એપલ આઈફોન 11માં આવી રહેલી આ સમસ્યા મેન્યુફેક્ચરિંગ ડિફેક્ટ છે, જે ફોન યુઝ કર્યાના 24 કલાકની અંદર જ દેખાવા લાગે છે. આ અંગે એક ન્યૂઝ વેબસાઈટે એપલનો સંપર્ક કરવાની કોશીશ પણ કરી હતી, પરંતુ એપલ દ્વારા કોઈ પ્રતિક્રિયા આપવાનો ઈનકાર કરી દેવાયો હતો.

કેટલી છે આ ફોનની કિંમત?

Apple iPhone 11ના 64 જીબી વેરિયંટની કિંમત 64,900, 128 જીબી વેરિયંટની કિંમત 69,990, 256 જીબીની 79,900 રુપિયા છે. જ્યારે Apple iPhone 11 Proના 64 જીબી વેરિયંટની કિંમત ભારતમાં 99,900 છે, જ્યારે 256 જીબી વેરિયંટની કિંમત 1.13 લાખ રુપિયા થાય છે. iPhoe 11 Pro Maxના 64 જીબી વેરિયંટની કિંમત ભારતમાં 1,09,000 256 જીબી વેરિયંટની કિંમત 1.23 લાખ અને 512 જીબીની કિંમત 1.41 લાખ રુપિયા થાય છે.