newsdog Facebook

દિવાળીની સફાઈ શરૂ કરતા પહેલા ઘરે બનાવી લો આ લિક્વિડ, બધુ ફટાફટ સાફ થઈ જશે

I Am Gujarat 2019-10-09 15:27:47

દિવાળી આવે એ પહેલા ઘરની સાફ સફાઈ લગભગ બધી જ મહિલાઓને ટેન્શન અપાવી દે છે. ઘરના અમુક ખાના કે ખૂણા તો એવા હોય જ છે જે વર્ષે માંડ એકાદ-બે વાર સાફ થતા હોય. આવામાં તેને રગડી રગડીને સાફ કરવામાં ઘણી સમય અને શક્તિનો બગાડ થાય છે. આજે અમે તમને એક એવા હોમમેડ લિક્વિડ અંગે જણાવીશું જે છાંટીને તમે સફાઈ કરશો તો ફટાફટ ઘર સાફ થઈ જશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

તમે આ લિક્વિડનો ઉપયોગ લોખંડની જાળી, ખાના, કાંચ, ક્રોકરી વગેરે કોઈપણ આઈટમ સાફ કરવા માટે કરી શકો છો. બીજી ખાસ વાત એ છે કે લિક્વિડ બનાવવા માટે તમારે બહારથી કશું લાવવાની જરૂર નથી. ઘરે ઉપલબ્ધ ચીજોમાંથી જ આ લિક્વિડ તૈયાર થઈ જશે.

લિક્વિડ બનાવવા માટે 1 કપ વિનેગર લો. તેમાં 1 ઢાંકણા જેટલો લિક્વિડ સોપ ઉમેરો. તેને હલાવીને સ્પ્રે બોટલમાં નાંખી દો અને જરૂર પડે ત્યાં યુઝ કરો. આ લિક્વિડ તમને ઘરની તમામ ચીજો સાફ કરવામાં મદદ કરશે. તમે જોશો કે વિનેગરનું મિશ્રણ છાંટ્યા પછી ધૂળ-માટી કે ડાઘા એટલા જલ્દી ગાયબ થઈ જાય છે કે તમારે તેને વધારે ઘસવાની પણ જરૂર નહિ પડે. તમે ઈચ્છો તો વધુ્ અસર અને સુગંધ માટે તેમાં અડધુ લીંબુ પણ નીચોવી શકો છો.

આ ઉપરાંત તમે બાથરૂમની ટાઈલ્સ, વોશ બેઝિન, ઘરની દીવાલો વગેરે સાફ કરવા માટે વિનેગર અને બેકિંગ સોડાના મિશ્રણનો ઉપયોગ કરી શકો છો. દીવાલનો પેઈન્ટ ખરાબ ન થાય એ માટે મિશ્રણમાં પાણી ઉમેરવું જોઈએ. આમ કરવાથી તમારુ ઘર નવા જેવું ઝગારા મારતુ થઈ જશે. આ ઉપરાંત ફર્નિચર પર પણ આ મિશ્રણ ટ્રાય કરતા પહેલા તેના પર ધબ્બા નથી પડતા એ વાતની ખાસ ખાતરી કરી લેવી જોઈએ.