newsdog Facebook

અહીં તૈયાર કરવામાં આવ્યું 'બેડરૂમ' જેવું અનોખું VIP થિયેટર, જાણો તેની સુવિધા

I Am Gujarat 2019-05-14 17:32:59

1/5આરામદાયક, મનોરંજક સિનેમાનો આનંદ


સ્વિત્ઝરલેન્ડમાં એક એવું થિયેટર શરૂ કરવામાં આવ્યું છે કે જ્યાં બેડરૂમ જેવી સુવિધાઓ ઉપલબ્ધ છે. આ VIP થિયેટરમાં માત્ર 22 લોકો જ બેસીને ફિલ્મ જોઈ શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

2/5ઘરમાં ફિલ્મ જોઈ રહ્યા હોવ તેવો અનુભવ


Pathé નામનું આ થિયેટર સ્વિત્ઝરલેન્ડ અને જર્મનીની બોર્ડર પર Spreitenbachમાં આવેલું છે. આ થિયેટરમાં આરામથી ફિલ્મ જોવા માટે 11 ડબલ બેડ સહિત 2 તકિયા અને સાઈડ ટેબલ પણ મૂકવામાં આવ્યા છે. અહીં સંપૂર્ણરીતે ઘર જેવું વાતાવરણ જોવા મળે છે.

3/5આ થિયેટરમાં જમવાનું મફત આપવામાં આવે છે


આ થિયેટરની ટિકિટ લગભગ 48.5 ડૉલર (3400 રૂપિયા) છે. આ થિયેટરમાં ફિલ્મ જોતી વખતે જમવાનું અને કોલ્ડડ્રિંક્સ મફતમાં આપવામાં આવે છે. આ સિવાય અહીં આરામથી ફિલ્મ જોવા માટે ચપ્પલ પણ આપવામાં આવે છે.

4/5અહીં ડબલ સોફાવાળો સ્ક્રીન પણ છે


આ થિયેટરમાં ડબલ સોફાવાળો સ્ક્રીન પણ છે કે જ્યાં 350 લોકો સાથે બેસીને ફિલ્મ જોઈ શકે છે. અહીં સ્વચ્છતા પર પૂરતું ધ્યાન આપવામાં આવતું હોવાથી અહીં દરેક શો બાદ ચાદર અને તકિયાના કવર બદલી નાખવામાં આવે છે.

5/5બાળકો માટે અલગ પ્રકારની સુવિધા


અહીં બાળકો માટે ફિલ્મ જોવા માટેની ખાસ સુવિધા છે, બાળકો માટે એક અલગ સ્ક્રીન તૈયાર કરવામાં આવ્યો છે કે જ્યાં આરામદાયક બીન બેગ્સ જોવા મળે છે. અહીં બાળકો માટેની ટિકિટ 14 ડૉલર (980 રૂપિયા) રાખવામાં આવી છે. સ્વિત્ઝરલેન્ડમાં આ થિયેટર આ વર્ષે તારીખ 9 મે, 2019ના રોજ શરૂ થયું છે.