newsdog Facebook

રીલિઝના બીજા જ દિવસે લીક થઈ 'ધ એક્સિડેન્ટલ પ્રાઇમ મિનિસ્ટર'

Khabarchhe 2019-01-13 00:00:00

વિજય ગુટ્ટે નિર્દેશિતમાં બનેલી અનુપમ ખેર સ્ટારર ફિલ્મ 'ધ ઓક્સિડેન્ટલ પ્રાઈમ મિનિસ્ટર' રિલીઝના બીજા દિવસે જ ઓનલાઇન લીક થઈ ગઈ છે. આ સંપૂર્ણ ફિલ્મ પાઇરસી વેબસાઇટ તમિલરોકર્સ પર ઉપલબ્ધ થઈ ગઈ છે. પહેલેથી જ અંડર પર્ફોર્મ થઈ રહેલી આ ફિલ્મ લીક થઈ જવાથી તેની કમાણી પર અસર ચોક્કસ પડશે.

થોડા દિવસો પહેલા તમિલરોકર્સે રિલીઝ થયાના થોડાંક કલાકોમાં જ રજનીકાંતની ફિલ્મ 'પેટા', અજિત અને નયનતારા સ્ટારર તામિલ ફિલ્મ 'વિશ્વામ'ને પણ ઓનલાઇન લીક કરી દીધી હતી. આ સાથે નંદામુરી બાલક્રિશ્નન સ્ટારર કથાનાયકુડુ અને રામ ચરન સ્ટારર 'વિનય વિધેયા રામ' નામની તેલુગુ ફિલ્મોને પણ ઓનલાઇન અવેલેબલ કરી દીધી છે. આટલું જ નહીં, તમિલરોકર્સ 'ઠગ્સ ઓફ હિંદુસ્તાન', 'મારી 2' અને 'સરકાર' જેવી ફિલ્મોને પણ ફ્રીમાં ડાઉનલોડ માટે ઉપલબ્ધ કરાવી ચૂક્યા છે.

પૂર્વ પ્રધાનમંત્રી મનમોહન સિંહની લાઇફ પર બનેલી આ ફિલ્મમાં અનુપમ ખેર સિવાય અક્ષય ખન્ના, અર્જુન માથુર, સુઝેન બર્નેટ અને વિપિન શર્માએ પણ મહત્વનો રોલ નિભાવ્યો છે. આ ફિલ્મ મનમોહન સિંહના મીડિયા સલાહકાર રહેલા સંજય બારુના 2014માં આવેલા આ જ નામના પુસ્તક પર આધારિત છે. આ ફિલ્મ 11 જાન્યુઆરીના રોજ રિલીઝ થઈ હતી.