newsdog Facebook

લંડનની ગલીઓમાં હરતું-ફરતું કેરલ!

I Am Gujarat 2018-03-12 14:10:15
બીરજુ શાહ

અમદાવાદ: શેરબજારની તેજી સાથે કંપનીઓને ટેકઓવર કરવાની ઓપન ઓફરમાં પણ ઘટાડો થયો છે. શેરોના ભાવ ઊંચી સપાટીએ રહેતાં ખરીદનાર થોભો અને રાહ જુવોની વૃત્તિ ધરાવતા હોવાનું વાતાવરણ રહ્યું હોવાનું ઇન્વેસ્ટમેન્ટ બેન્કિંગના એમએન્ડએના કામકાજ કરતાં સૂત્રોનું કહેવું હતું.

વર્તમાન નાણાં વર્ષ પૂરું થવાને હવે ગણતરીના દિવસો બાકી રહ્યા છે ત્યારે આ વર્ષે ટેકઓવર ઓપન ઓફરની મૂલ્યમાં સંખ્યા છેલ્લા 14 વર્ષની નીચી સપાટીએ જોવા મળી છે. નાણાં વર્ષ 2017-18માં ટેકઓવર માટેની ઓપન ઓફર ₹1,929 કરોડની રહી હતી જે 2003-04માં નોંધાયેલી ₹1,906 કરોડ પછીની સૌથી નીચી રહી છે.

આ વર્ષે ₹1,929 કરોડની ઓફર સામે હકીકતમાં સોદા તો ₹476 કરોડના એટલે કે શેરોની ખરીદી તો માત્ર ₹476 કરોડની જ થઈ હતી. જોકે, આ રેશિયો ગયા વર્ષ કરતાં સારો રહ્યો હતો. વર્ષ 2016-17માં ₹5,949 કરોડની ટેકઓવર ઓપન ઓફર થઈ હતી તેમાંથી ₹383 કરોડની જ ખરીદી થઈ હતી જે સૂચવે છે કે મોટા ભાગની ટેકઓવરની ઓપન ઓફરને નબળો પ્રતિસાદ સાંપડ્યો હતો.

વર્તમાન નાણાં વર્ષમાં ડિલિસ્ટિંગ માટેની ઓપન ઓફરને પણ અંત્યત નબળો પ્રતિસાદ મળ્યો હોવાનું ડેટા સૂચવે છે. પ્રાઇમ ડેટાબેઝના રેકોર્ડ અનુસાર, આ વર્ષે ₹2,364 કરોડની ઓફર સામે હસ્તગત કરવામાં આવેલી રકમ ઝીરો છે. જેનો અર્થ એવો થયો કે કંપનીઓએ શેરો ડિલિસ્ટ કરવા માટે રોકાણકારોને મૂકેલી ઓફરનો ફિયાસ્કો થયો છે.

નાણાં વર્ષમાં ₹375 કરોડની ઓફરમાં ₹42 કરોડ હસ્તગત માટે વપરાયા હતા. એટલે કે કંઇક અંશે સફળતા મળી હતી. સીએસક્યુ રિસર્ચના ગોવિંદ તામરેના કહેવા પ્રમાણે, કંપનીઓને ટેકઓવર અને લિસ્ટિંગ ઓફરને મળેલા નબળા પ્રતિસાદ પાછળ શેરબજારની તેજી મુખ્ય કારણ ગણી શકાય. સામાન્ય રીતે શેરોમાં મંદી હોય ત્યારે આવતી ઓફરને વધુ સારો પ્રતિસાદ મળે છે. રોકાણકારોમાં કંપનીના પરર્ફોમન્સ અંગેની શંકાને કારણે રોકાણકારો છૂટા થવાનું માનસ ધરાવતા હોય છે.

શેરબજારની તેજીની સાથે કંપનીઓઓના વેલ્યૂએશન પણ ઊંચા રહેતાં હોવાથી ટેકઓવરનું મૂલ્ય વધી જતું હોવાથી ખરીદનાર વધુ સાવેચત રહેતા હોવાથી સોદા ઘટી જતાં હોવાનું પણ કહી શકાય એમ જણાવીને એક અગ્રણી ઇન્વેસ્ટમેન્ટ બેન્કરે કહ્યું હતું કે, ઊંચા વેલ્યૂએશનને કારણે સોદાની સંખ્યામાં ઘટાડો થાય છે અને મર્જર એન્ડ એક્વેઝશનના વૈશ્વિક ડેટા પણ જોવામાં આવે તો આના જ સંકેત આપશે.

તેજીના તબક્કામાં ચોક્કસ સેગમેન્ટ પૂરતા સોદા વધુ હોય છે અથવા ગણ્યાગાંઠ્યા થતાં સોદાનું વેલ્યૂ ઊંચુ રહેતાં સંખ્યામાં ઘટાડા સામે મૂલ્ય વધતું હોવાનું નોંધાશે. વર્ષ 2017-18માં ટેકઓવર ઓપન ઓફરના 50 કિસ્સા નોંધાયા હોવા છતાં ઓફર મૂલ્ય માત્ર ₹1,929 કરોડની જ રહી હતી અને સામે પ્રાપ્ત કરવામાં વપરાયેલી રકમ માત્ર ₹476 કરોડની હતી.

પીએમએસ ગ્લોબલ સિક્યોરિટીઝના રાહિલ મલહોત્રાનું કહેવું હતું કે, વિતેલા નાણાં વર્ષ દરમિયાન શેરબજારમાં ઐતિહાસિક તેજીનો મૂડ હતો જે છેલ્લા કેટલાક દિવસોથી શાંત થયો છે. એક વાર શેરબજારનું વેલ્યૂએશન આકર્ષક બનશે અને શેરોના ભાવ ઘટતાં હોવાનું ઇન્વેસ્ટરોને ખ્યાલ આવશે તો ડિલિસ્ટિંગ માટેની ઓફરને પ્રતિસાદ મળવાનું શરૂ થશે.

બે વર્ષ અગાઉ શેરબજાર નવી સરકાર આવવા છતાં ટ્રેડિંગ રેન્જમાં અથડાઈ ગયું હતું ત્યારે ડિલિસ્ટિંગ માટેની ₹5,479 કરોડની ઓફર થઈ હતી અને તેમાં રકમ પણ ₹3,895 કરોડની વપરાઈ હતી. આમ શેરબજારનું સેન્ટીમેન્ટ અંત્યત મહત્ત્વની ભૂમિકા ભજવે છે એમ તેમનું માનવું હતું. તેમના કહેવા અનુસાર, 2018-19માં શેરબજારમાં સુધારો મર્યાદીત રહેશે અથવા કરેકશન લાંબુ ચાલશે તો આવા પ્રકારની ઓપન ઓફરને ફરીથી પ્રતિસાદ મળવાનું પ્રમાણ વધશે.

]]>